افغانستان ملی اسلامی جنبش حزبی نینگ رهبری مارشال عبدالرشید دوستم و بو حزب قومندان‌لریدن نظام الدین قیصاری تلیفونی صحبت قیلگنلر.
بو صحبت‌لردن نشر اېتیلگن ویدیوگه اساس، مارشال دوستم و قیصاری ینه‌ده بیر بیراوی بیلن یره‌شگن و صحبت‌لریده اۉزبېک قومندان‌لری آره‌سیده بیرلیک یره‌تیلیشی تاکید اېتیلگن.
اسلامی جنبش حزبی رهبری مارشال عبدالرشید دوستم مذکور حزب نینگ محلی قومندان‌لریدن بیری نظام‌الدین قیصاری بیلن بۉلگن تلیفونی صحبتیده ایتیشیچه: “بوگون اۉزبېک‌لردن مارشال بار، بو یولده اینگ یخشی عسکرلریمیز و قومندان‌لریمیز قربان بولدی، بو یول کوچله‌نیب و اۉزبېک قومندان‌لری نینگ اتفاق بولیشی کیره‌ک.“
مارشال دوستم نینگ کۉپه‌یتیریشیچه: “مین ایران رسمی‌لری بیلن علاقه‌ده من و اولر جنبش قومندان‌لری نینگ چیقارمه‌سی خصوصیده سوزبیرگن.”
نظام الدین قیصاری طالبان آرقه‌لی اسیر هم بۉلگن اېدی و افغانستان‌دن چیققن‌دن کیین بیر مراتبه افغانستان‌گه قیتیب کېلیش‌گه هم مجبور بۉلدی.
حاضر بو تانیقلی حربی سیما ایران مملکتیده یشه‌شی معلوم قیلینگن.
ایتیش کیره‌ک‌که بوندن آلدین مارشال دوستم و نظام‌الدین قیصاری آره‌سیده کوپ سیاسی جنجللر بار اېدی و کۉرینیشچه، حاضر اولر کیلیشگن.
