چین مملکتی نینگ افغانستان بوییچه مخصوص وکیلی یوشیایونگ کابل‌گه تشریف بویوریب، طالبان نینگ ییریک مقاملری بیلن اوچره‌شماقده دیر.
حاضرگه قدر چین‌لیک بو دیپلومات، طالبان تورلی مقاملری جمله‌دن طالبان باش وزیری اۉرین باسری عبدالکبیر و طالبان مدافعه وزیرلیگی نینگ سرپرستی محمد یعقوب مجاهد بیلن اوچره‌شگن.
بو اوچره‌شوولرده، چین مخصوص وکیلی مملکتی نینگ افغانستان بیلن علاقه‌لری‌گه قوشیمچه، پاکستان و طالبان آره‌سیده‌گی علاقه‌لر هم یخشی‌لنیشینی سۉره‌گن.
چین مملکتی پاکستان و طالبان آره‌سیده‌گی علاقه‌لردن نیمه‌نی ایزله‌ماقده و بو مملکت نینگ پاکستان و طالبان‌ارا مناسبت‌لرگه واسطه‌چیلیک ظرفیتی قنچه‌لیک اونملی دیر؟
چین، پاکستان و طالبان مشترک علاقه‌لری
چین مملکتی نینگ افغانستان بوییچه مخصوص وکیلی یوشیایونگ شوندی بیرحالده کابل کېلیب، طالبان رسمی‌لری بیلن اوچره‌شماقده دیر که بوندن ایلگری چین‌لیک بو دیپلومات، پاکستان‌گه سفر قیلگن اېدی.
چین مخصوص وکیلی پاکستان‌گه بۉلگن سفری جریانیده، بو مملکت رسمی‌لری بیلن اوچره‌شیب، افغانستان‌گه عاید مساله‌لر تۉغریسیده صحبت قیلگن اېدی.
مذکور اوچره‌شوولرده پاکستان رسمی‌لری، طالبان حاکمیتی آستیده بۉلگن افغانستان‌دن خوفسیزلیک خواطرلرینی چین مخصوص وکیلی بیلن شریک قیلدی.
پاکستان بو خواطرلری نظرگه توتیلگن حالده چین مملکتی، طالبان و پاکستان آره‌سیده علاقه‌لر یخشی‌لنیشی‌گه تاکید قیلگن و بو حقده طالبان مقاملری بیلن هم فکر المشتیرگن.
چین؛ پاکستان و افغانستان‌ده‌گی اقتصادی لایحه‌لری اوچون خوفسیزلیک قیدیرماقده
کۉرینیشیچه طالبان و پاکستان آره‌سیده علاقه‌لر یخشی‌لنیب و خوفسیزلیک ایشانچ‌لر یره‌تیلیشی، چین اوچون هم قیزیق همده اهمیت‌لی مساله دیر.
چین بو سیاستی نینگ اینگ مهم مقصدی، اقتصادی خوفسیزلیک دیر که چین حکومتی ایزله‌ماقده.
چین مملکتی ییللردن بیری پاکستان‌ده ییریک اقتصادی لایحه‌لر اوستیده سرمایه یاتقیزگن و حاضر طالبان نظارتی آستیده بۉلگن افغانستان‌ده هم، خودی شوندی لایحه‌لرنی قۉلگه آلماقده دیر.
حاضر طالبان سرپل ولایتی نینگ تیل کانی و لوگر ولایتی نینگ «مس عینک» کانی کبی ییریک اقتصادی لایحه‌لرنی چین‌لیکلرگه تاپشیرگن.
انه‌شوو اقتصادی لایحه‌لر خوفسیزلیگی اوچون چین مملکتی افغانستان و پاکستان آره‌سیده خوفسیزلیک تامین‌لنیشی اوچون اولگورماقده دیر، اینقسه چین نینگ بو خصوصده سعی‌وحرکتلری پاکستان‌ده بیر قنچه چین وطنداش‌لری برابریده ناتینچ‌لیک واقعه‌لر اویوشتیریلگنیدن کیین کۉپه‌یگنی سِیزیله‌دی.
شونینگدېک چین مملکتی طالبان بیلن یقین‌لنیب، بو مملکت اوچون تهدید بۉلگن گروه‌لرنی نظارتی اېتیش آرتیدن بۉلگنی هم گمان اېتیله‌دی.
چین نینگ منطقه‌ده اولکن لایحه‌لری و فکرلری
چین مملکتی دنیا بویلب اینگ تیز رواجلنیب یاتکن مملکتلر جمله‌سیدن دیر و حاضر دنیا نینگ ایکی ییریک اقتصادی کوچی جمله‌سیدن بیرته‌سینی چین مملکتی شکل‌لنتیره‌دی.
چین مملکتی، دنیاده اۉزی نینگ اقتصادی کوچی ینه‌ده هم آشیشی مقصد ایریم ریجه‌لرنی قۉلگه آلگن که «بیر یۉل و بیر کمربند» لایحه‌سی، چین نینگ بو تۉغریده‌گی اولکن لایحه‌سی حساب‌لنه‌دی.
چین مملکتی نینگ بو لایحه‌سی و شونینگدېک منطقه‌ده بۉلگن کیله‌جگده اقتصادی اویله‌شلرینی مهم بولیمی بو افغانستان و پاکستان دیر.
چین مملکتی انه‌شوو کبی ییریک اقتصادی لایحه‌لری و کیله‌جگده‌گی ریجه‌لری خوفسیزلیگی اوچون حاضر افغانستان و پاکستان‌ده برقرارلیک تامین‌لنیشی‌گه اهمیت بېره‌دی.
طالبان و پاکستان آره‌سیده چین نینگ واسطه‌چیلیک ظرفیتی
چین دنیا سیاستی اینقسه منطقه‌ده تاثیرلی مملکتلر جمله‌سیدن دیر، شو سبب منطقه‌ده‌گی هر قندی بیر اوزگریش‌لرنی بیر تامانی چین بۉلیشی حتمی بیر مساله سنه‌لدی.
چین مملکتی منطقه باشقه مملکتلرگه نسبتن حاضرگی افغانستان و پاکستان اوستیده هم جدی تاثیری بار چونکه افغانستان نینگ سرپرست حاکملری بۉلمیش طالبان و پاکستان حکومتی بیر قنچه سبب‌لر طفیلی، چین سۉزلرینی جدی توتیشی کوتیله‌دی.
طالبان حاضر دنیاده هیچ بیر مملکت تامانیدن رسمیت‌گه تَن آلینمه‌گن. بیراق شوندی بۉلسه هم چین کبی ایریم مملکتلر طالبان نظارتی آستیده بۉلگن افغانستان بیلن علاقه‌لرینی دوام بېریش‌گه قرار قیلگن.
طالبان حاکمیتی نینگ دنیا سیاستیده‌گی تقدیرسیزلیگی، بو حاکمیت اوستیده هر بیر مملکت اینقسه چین کبی ییریک مملکتلر گپ‌لری اوتیشی اوچون زمینه یره‌تیشی کوتیله‌دی. چونکه طالبان مملکتلر تامانیدن رسمی تَن آلینیش‌گه محتاج، بۉلمه‌گنده چین کبی مملکتلرنی هر قندی تعاملی دوامینی کوته‌دی.
بونگه قوشیمچه پاکستان مملکتی اقتصادی برقرارسیزلیگی باعث میلیاردلرچه پول چین‌دن قرض آلیش‌گه مجبور بۉلگن و شو سبب چین پاکستان اوچون اهمیت‌لی مملکت تانیله‌دی.
دېیرلی بو سبب‌لرنی نظرگه توتگن حالده، چین پاکستان و طالبان آره‌سیده یخشی بیر واسطه بۉلیشی ممکن دیر.
چین بیلن اقتصادی یقین‌لنیش خواطرلری نیمه دیر؟
چین سرمایه یاتقیزیش مقصد حضور تاپکن دنیا مملکتلری‌دن یخشی بیر روایت نشر اېتیلگن اېمس.
بوندن ایلگری چین مملکتی تامانیدن حرکت‌گه توشیریلگن تورلی مملکتلر اقتصادی لایحه‌لریدن آغیر و خواطرلی گزارش‌لر نشر اېتیلگن.
بو خصوصده تورلی مملکت اینقسه اقتصادی آغیر مملکتلرده چین‌لیکلر آرقه‌لی عملگه آشیریلگن اقتصادی لایحه‌لرده، انسان حقلری نقض اېتیلگنی معلوم حکایت قیلینگن.
بونگه قوشیمچه اقتصادی لایحه‌لرنی قۉلگه آلگن مملکتلرده اونچه‌لیک اقتصادی منفعت قالدیرمه‌گن و کۉپینچه بو مملکتلر طبیعی منبع‌لرینی آلیب چیقیش‌گه اولگورگن.
شوندی اېکن «سرپل تیل کانی» کبی تورکستان و قطغن کانلری چین اختیاریده قۉییلیشی‌دن بو کبی خواطرلرنی اویله‌ش کېره‌ک دیر.
