بوکون : یکشنبه 9 سنبله 1404

Kabul
+10...+17° C

بوکون : یکشنبه 9 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

تورکیه‌ده یشاوچی اۉزبېک ژورنالیست جیلان ارسلان اوشلنگن

تورکیه مملکتیده یشاوچی افغانستان اۉزبېک ژورنالیست‌لریدن بیری جیلان ارسلان، تورکیه پولیس کوچلری آرقه‌لی حبس‌گه آلینگن.

جیلان ارسلان یقین‌لریدن بیری و افغانستان‌لیک ژورنالیست معاذالله سلطان اوغلو نینگ اۉزبېک تی‌وی گه ایتیشیچه، جیلان ارسلان توشینما‌‌وچیلیک بیر واقعه طفیلی، تورکیه پولیس کوچلری تامانیدن قۉلگه آلینگن.

سلطان اوغلو نینگ ایتیشیچه: “توشینماوچیلیک بۉلگن بیلمس‌دن بیر صراف‌لیک دکان‌گه کېریب بارگن و دکان‌ده قیسی واقعه یوز بېرگن اېکن، باشقە‌لرگه قوشیب جیلان ارسلان هم پولیس قۉلی‌گه توشگن.”

ایتیلیشیچه جیلان ارسلان بیر نیچە آی‌دن بویان پولیس قماقخانه‌سیده دیر و حاضرگه قدر تقدیری انیق بیللی اېمس.

معاذالله سلطان اوغلو اۉزبېک تی‌وی بیلن اۉتکزگن صحبتیده، جیلان ارسلان آزاد اېتیلیشی‌گه امید بیلدیریب، تورکیه‌ده یشاوچی ژورنالیست‌لر برابریده اولرنی حمایه قیلووچی تشکیلات‌لر توجه‌سیزلیگیدن شکایت قیله‌دی.

سلطان اوغلوگه کۉره، اولر جیلان ارسلان آزاد اېتیلیشی اوچون بیر قنچە نهادلردن هم یاردم سوره‌گن، بیراق حاضرگه قدر همکارلیک بۉلمه‌گن.

ایتیش کېرە‌ک که جیلان ارسلان ژورنالیست اوله‌راق جمهوریت دوریده افغانستان‌ده فعال آیینه و باتور تیلی کاناللریده ایش‌ بجرگن.

جمهوریت تیزیمی قوله‌شی و طالبان افغانستان‌ حاکمیتی‌گه قیتیشی‌دن کیین، تورکیه‌گه کېتیش‌گه مجبور بۉلیب، اخیرگی ییللر شو ییرده اقامت قیلر اېدی.

شریک قیلینگ

Related Posts

Add New Playlist