بوگون ۲۵ – نوامبر خلق‌ارا خاتین قیزلرگه قرشی زوره‌انلیککه چیک قوییش کونی دیر.
مذکور کون افغانستان‌ده شوندی بیرحالده ییتیشیب کېلماقده دیر که طالبان حاکمیتی آستیده بۉلگن بو مملکت خاتین-قیزلری، دنیاده‌گی اینگ محروم جماعه‌دن دیر.
اوچ ییل‌دن کۉپراق بۉله‌دی که خلق‌ارا و ایچکی تنقیدلرگه قرشی طالبان، افغانستان خاتین-قیزلرینی دستلبکی حق‌لریدن محرومیت‌گه سقله‌ب کېلماقده و بو خصوصده بۉلگن طلب‌لرگه تَن بېرمه‌گن.
خلق‌ارا خاتین-قیزلرگه قرشی زوره‌وانلیککه چیک قوییش کونی ییتیب کېلیشی بیلن افغانستان‌لیک بیر قنچه عیاللر حقلری بوییچه فعال نهادلر ینه بیربار، خلق‌ارا هم‌جمعیتی‌دن افغانستان خاتین-قیزلری وضعیتی تۉغریسیده دقت اېتیش‌لرینی سۉره‌گن.
ایتیش کېره‌ک که طالبان اۉزلری نینگ اویلاولری‌گه اساس، افغانستان‌ده خاتین-قیزلرنی، اۉقیش، ایشلش و حتا سفر قیلیش‌دن محروم قیلگن.
