افغانستان خاتین-قیزلری حقلری بوییچه فعاللردن بیری عالیه ییلماز، اۉزی نینگ فیسبوک صحیفه‌سیده نشر قیلگن بیر بیاناتیده، افغانستانده تورک/اۉزبېک عیاللر آغیر احوالی‌دن آگاه‌لنتیرگن.
خانم ییلماز نینگ بیلدیریشیچه، افغانستان‌لیک تورک خاتین-قیزلر باشقه‌لرگه نسبتن ایکی برابر توسیق‌لیکلر همده محرومیت‌لر بیلن دوچ دیر.
عیاللر حقلری بوییچه بو فعال، افغانستان‌لیک تورک عیاللر، طالبان تامانیدن یره‌تیلگن چیکلاولرگه علاوه، قومی چیک‌لنتیریش‌لردن هم زیان کۉرگنینی تاکیدلب ایتیشیچه، “افغانستان‌لیک تورک عیاللر نه یالغیز افغانستان برچه عیاللری گواه بۉلگن، جنسیت‌گه اساس سیستماتیک نابرابرلیک‌دن کېلیب چیققن تبعیض بیلن دوچ، بلکه قومی چیک‌لنتیریش هم افغانستان‌لیک تورک عیاللرنی ایکی برابر چیک‌لنتیرگن.”
شونینگدېک خانم ییلماز خلق‌ارا هم‌جمعیتی افغانستانده تورک خاتین-قیزلر احوالی‌ده علاحده توجه قره‌تیشینی سۉره‌گن.
ایتیش کېره‌ک که بوگون ۲۵ – نوامبر خلق‌ارا خاتین قیزلرگه قرشی زوره‌انلیککه چیک قوییش کونی دیر.
