افغانستان‌ده غرب اینقسه امریکا قوشمه ایالتلری بیلن یقین بۉلگن جمهوریت تیزیمی قوله‌شی و طالبان افغانستان حاکمیتی‌گه قیتیشی، روسیه و چین کبی کوچلر اوچون افغانستان‌ده حضور تاپیب و کۉپراق نفوذ قیلیش‌گه یۉل آچدی.
انه‌شوو سبب روسیه و چین مملکتلری اخیرگی اوچ ییل جریانیده، طالبان‌نی رسمی تَن آلمه‌گن بۉلسه هم بیراق کۉپلب سیاسی امتیازلرنی طالبان‌گه بېرگن.
مسکو و پکن‌ده افغانستان ایلچی‌خانه‌لری طالبان‌گه تاپشیریلیشی‌گه علاوه روسیه و چین مملکتلری، طالبان‌نی کۉپلب ییغین‌لرده هم چقیرگن و شونینگدېک دوحه ییغینی کبی ییریک ییغین‌لرده طالبان یانده‌شوولرینی قولب-قوتله‌گن.
بیراق اساسی سۉراغ بو دیر که روسیه و چین نینگ افغانستان‌گه قرشی بو قره‌شی قنچه‌لیک برقرار بۉلیشی ممکن؟
روسیه، چین و طالبان آره‌سیده‌گی ایشانچ‌سیزلیکلر
روسیه و چین مملکتلری طالبان بیلن یخشی علاقه‌ده بۉلیب و یوقاریده ایسلب اۉتیلگن‌دیک بو گروه اوچون سیاسی امتیازلرنی نظرگه توتگن بۉلسه هم، بیراق حاضرگه قدر چین و روسیه، طالبان‌گه تۉلیق ایشانمه‌یدی.
انه‌شوو ایشانچ‌سیزلیکلر باعث اخیرگی اوچ ییل ایچیده، روسیه و چین مملکتلری طالبان‌نی رسمی تَن آلیش‌گه قرار آلمه‌گن و افغانستان سیاسی تقدیری تۉغریسیده اونچه‌لیک اویله‌گن یۉق، بو مملکت اوچون فقط‌گینه منفعت‌لری مهم بۉلگن.
روسیه تشقی ایشلر وزیرلیگی اۉرین باسری آندری رودنکو نینگ یقین‌ده نشر اېتیلگن صحبت‌لری، بو مملکت طالبان‌گه ایشانمسلیگینی ینه‌ده بیلدیردی.
روسیه‌لیک بو مقام‌نی اورغوله‌شیچه، طالبان روسیه دولتی تامانیدن رسمی تَن آلینیشی اوچون هلی اېرته دیر.
عینی حالده روسیه و چین و شونگه اوخشش طالبان‌گه یقین بۉلگن مملکتلر کۉپلب مراتبه، افغانستان‌ده خوفسیزلیک وضعیت‌دن خواطر بیلدیرگن اېدی.
حاضرگی کونلر ایچیده، افغانستان بوییچه روسیه و چین مخصوص وکیللری ضمیر کابلوف و یوشیایونگ کابل‌ده دیر و طالبان بیلن اوچره‌شوو اۉتکزماقده.
کابلوف و یوشیایونگ ایکاوی هم، کابل کېلمس‌دن ایلگری پاکستان بارگن اېدی بو هم روسیه و چین نینگ طالبان‌دن کۉره افغانستان مساله‌سیده پاکستان نقش‌نی جدی توتیش‌لرینی بیلدیریشی ممکن.
دېیرلی طالبان اوچ ییل و بیر نیچه آی حاکمیتی دوریده، اۉزی‌گه یقین بۉلگن مملکتلرنی هم ایشانچ‌نی قۉلگه کېلتیرمه‌گن.
بونگه قوشیمچه روسیه و چین مملکتلری هم، اۉزلرینی ییریک کوچ بیله‌دی و هیچ قچان خواهلمه‌یدی که بیر بیراوی کۉپراق افغانستان مساله‌سیده دخیل بۉلسه و بو اوچون بو ایکی مملکت بیر بیراوی‌گه ایشانمه‌یدی.
خلاصه قیلیب ایتیش کېره‌ک که افغانستان خصوصیده منطقه مملکتلری آره‌سیده هم، بیرخیل فکر یۉق و بو اېسه افغانستان کیله‌جگی اوچون خواطرلی دیر.
امریکاگه قرشی‌لیکدن چیقیب کېلگن روسیه و چین نینگ افغانستان‌ده‌گی قیزیقیشی
روسیه و چین مملکتلری نینگ افغانستان‌گه قرشی بۉلگن قیزیقیشی، بو مملکتلرنینگ امریکا قوشمه ایالتلری بیلن بۉلگن رقابت‌لریدن کېلیب چیقیشی تاکیدلنه‌دی.
شوندی اېکن روسیه و چین مملکتلری، امریکا نینگ افغانستان‌ده هر قندی نفوذی برابریده تۉخته‌ش‌گه تیار دیر و بو یۉلده طالبان بیلن هم یقین‌لشیش‌نی اختیار قیلگن.
بیراق امریکا قوشمه ایالتلری رسمی‌لری بوندن ایلگری بیر نیچه مراتبه حاضرهم افغانستان‌نی استخباراتی کوزه‌تیب تورگنلرینی معلوم قیلگن.
روسیه و چین شوندی بیرحالده افغانستان‌ده امریکا نفوذی برابریده تۉخته‌ماقده دیر که اخیرگی اوچ ییل ایچیده، امریکا نینگ افغانستان اوچون بۉلگن یاردملرینی روسیه و چین یاردملری‌گه سالیشتیرسهینگیز، بو ایکی مملکت امریکا نینگ یاردملرینی کیچیک بیر حصه‌سی‌گه تینگ هم افغانستان‌گه اقتصادی یاردم جونه‌تگن اېمس.
دیمک امریکا نینگ بو اقتصادی کوچی کیله‌جکده افغانستان مساله‌سیده اره‌لشگن تقدیرده، روسیه و چین‌دن کۉره قۉلینی اوزون قیلیشی اَیتیله‌دی.
