روسیه مملکتی خوفسیزلیک کېنگشی نینگ باش کاتبی سرگی شویگو، بو مملکت بیر هیاتی باشچیلیگیده، کابل کېلگن.
روسیه‌لیک بو هیات طالبان ییریک مقاملری بیلن اوچره‌شیب، تورلی مساله‌لر حقیده صحبت‌لشگن.
بو هیات حاضرگه قدر طالبان باش وزیری سیاسی اۉرین باسری عبدالکبیر، اقتصادی مساله‌لر بوییچه اۉرین باسری عبدالغنی برادر و مدافعه وزیرلیگی نینگ سرپرستی محمدیعقوب مجاهد بیلن علاحده اوچره‌شوولر اۉتکزگن.
روسیه‌لیک بو هیات طالبان بیلن تورلی مساله‌لر حقیده گپ‌لشکن بۉلسه‌ده، بیراق بو هیات ترکیبی‌گه قره‌گنده خوفسیزلیک خواطرلری اولرنی کوپراق کابل‌گه تارتکنی بیللی دیر.
دیمک طالبان رسمی‌لری هم بو هیات‌گه خوفسیزلیک مساله‌لری خصوصیده ایشانچ بېرگن.
