بیرلشکن ملتلر تشکیلاتی نینگ مخدره ماده‌لر و جنایت‌لرگه قرشی کوره‌ش اداره‌سی، بیر گزارش نشر قیلیب، طالبان حاکمیتی آستیده بۉلگن افغانستان‌ده تریاک ایشلب چیقاریش کۉپه‌یگنیدن خبر بېرگن.
بو تشکیلات تامانیدن بیریلگن معلومات‌گه کۉره، افغانستان‌ده میلادی ۲۰۲۴ – ییلی ۴۳۳ تُن تریاک ایشلب چیقاریلگن که اۉتگن ییل‌گه نسبتن ۳۰ فایز کۉپه‌یگنینی کۉرسه‌تَدی.
بیراق بیرلشکن ملتلر تشکیلاتی افغانستان‌ده ۲۰۲۴ – ییل تریاک ایشلب چیقاریلیشی، طالبان تامانیدن تقیق‌لنگنیدن ایلگری‌‌گه نسبتن، ۹۳ فایز آزه‌یگنینی معلوم قیلگن.
شونینگدېک بیرلشکن ملتلر تشکیلاتی تریاک نرخی هم خلق‌ارا بازارلرده ۱۳۰ فایز کۉپه‌یگنیدن هم خبر بېرگن.
ایتیش کېره‌ک که طالبان افغانستان‌ده تریاک ایشلب چیقاریش‌نی تقیق‌لگن و ادعا قیلیشیچه حاضر بونی آلدی آلینگن.
