افغانستان‌لیک عیاللر حقلری فعالی فرخ‌لقا اونچی‌زاده، فرانسه مملکتی ستراسبورگ شهریده، اروپا اتفاقی تامانیدن اۉتکزیلگن ییغین‌ده نطق سۉزلب، خلق‌ارا هم‌جمعیتیدن افغانستان خاتین-قیزلری احوالی اوچون دقت قیلیش‌لرینی سۉره‌دی.
خانم اونچی‌زاده طالبان حاکمیتی آستیده افغانستان خاتین-قیزلری برابریده یره‌تیلگن چیکلاولر باعث، افغانستان‌لیک عیاللر اینقسه اۉزبېک عیاللری آغیر احوالده توشیب قالگنینی تاکید قیلگن.
افغانستان‌لیک عیاللر حقلری بو فعالی اۉزی نینگ نطق‌لریده ایتیشیچه “اروپا اتفاقی، طالبان‌نی عیاللر حقلرینی نقض اېتیش، جنسیت‌گه اساس آپارتاید و خلق‌ارا قانون و قاعده‌لرنی بوزیشی اوچون جوابرلیککه تارتیلیشی خصوصیده اولگورسین.”
شونینگدېک عیاللر حقلری فعالی فرخ‌لقا اونچی‌زاده، تورکیه، ایران و پاکستان کبی مملکتلردن افغانستان‌لیک مهاجرلر اوستیده باسیم کېلتیرمه‌ی، بو مملکتلردن افغانستان‌لیک مهاجرلر خاتین-قیزلر اوچون اۉقیش زمینه‌سینی یره‌تیشلرینی طلب قیلگن.
دیمک بیر مینگ‌دن آرتیق سیاسی سیما، مدنی و انسان حقلری فعاللری و مملکتلر ایلچی‌لری و سناتورلر اشتراکیده اۉتکزیلگن بو ییغین‌ده، خانم فرخ‌لقا اونچی‌زاده شامل افغانستان‌لیک تۉرت فعال عیال چقیریلگن اېکن.
