سوریه مملکتیده بیر نیچه کون‌دن بویان جدی ایچکی اوروش‌لر باشله‌نیب، بو مملکت‌نی قیته بحران تامان تارتکن.
خلق‌ارا یېتکرمه‌لرنی گزارش بیریشیچه، سوریه‌ده حاکم بشار اسدگه قرشی قوراللی گروه‌لر جدیت بیلن آلغه سیلجیماقده دیر.
ایتیلیشیچه بو گروه‌لر سوریه پایتخت دمشق شهری بیلن بو مملکت نینگ مهم شهرلریدن بۉلمیش حلب شهری آره‌سیده‌گی قتناو یۉللرنی باسیب آلیب، بو یۉللرنی باغله‌گن.
بونگه قوشیمچه مذکور قورالی گروه‌لر حلب شهریده‌گی قونلغه‌نی هم اۉز نظارتی آستیده آلگنلر.
سوریهدن نشر اېتیلگن گزارش‌لرگه کۉره، قورالی گروه‌لر دولت قماقخانه‌لریدن کمیده ۱۰۰ محبوس‌نی آزاد قیلگن که بو محبوس‌لر مذکور گروه‌لر جنگری‌لری و اعضالری اېکن.
ایتیش کېره‌ک که روسیه و ایران تامانیدن قولب-قوتله‌نگن بشار اسد اخیرگی ییللر ایچیده، مخالف‌لرینی چیت‌گه اۉریش‌گه موفق بۉلگن اېدی.
