طالبان نظارتی آستیده بۉلگن افغانستان معلومات و احصاییه اداره‌سی، قویاش ۱۴۰۳ – ییلی بیرینچی آلتی آیی‌ده، مملکت صادراتی اۉتگن ییل عینی زمان‌گه نسبتن ۵۳.۶ میلیون دالر آزه‌یگنیدن خبر بېردی.
بو اداره تامانیدن بېریلگن معلومات‌گه کۉره، افغانستان جاری ییل بیرینچی آلتی آیی‌ده ۶۶۷.۳ میلیون دالر ارزش‌گه سوداگرلیک محصولاتلرینی صادر قیلگن اېکن که بو رقم اۉتگن ییلی ۷۲۰.۹ میلیون دالر قید اېتیلگن اېدی.
دېیرلی افغانستان جاری ییل بیرینچی آلتی آیی‌ده واردات رقمی سیزیلرلی درجه‌ده کۉپه‌یگن.
احصاییه و معلومات اداره‌سی معلوماتی‌گه اساس، قویاش ۱۴۰۳ – ییلی بیرینچی آلتی آیی‌ده ۵ میلیارد و ۲۵۰.۵ میلیون دالر ارزش‌گه سوداگرلیک محصولاتلر افغانستان‌گه وارد اېتیلگن اېکن که اۉتگن ییلی عینی مدت‌گه نسبتن ۱ میلیارد و ۲۰۱.۸ میلیون دالر کۉپه‌یگن.
