طالبان باش وزیری نینگ اداری اۉرین باسری و بو حاکمیت‌ده‌گی ییریک اۉزبېک مقام عبدالسلام حنفی، رسمی بیر سفر بیلن اۉزبېکستان کېتگن.
طالبان تامانیدن بو خصوصده بېریلگن بیانات‌گه کۉره، عبدالسلام حنفی اۉزبېکستان حکومتی نینگ رسمی چقیرووی اساسیده بو مملکت‌گه بارگن.
حنفی اۉزبېکستان‌ده بو مملکت باش وزیری نینگ اۉرین باسری جمشید خواجه‌یف آرقه‌لی کوتیب آلینگن.
حنفی نینگ اۉزبېکستان‌گه بۉلگن سفری، طالبان و اۉزبېکستان آره‌سیده‌گی مناسبت‌لرنی یخشی‌لش مقصدده بجریلگنی معلوم قیلینیب، طالبان بو سفر آرقه‌لی اۉزبېکستان بیلن علاقه‌لری کوچه‌یشیگه امید بیلدیرگن.
دیمک عبدالسلام حنفی طالبان صفیده‌گی ییریک لوازمده‌گی یالغیز اۉزبېکلردن دیر، بیراق طالبان بو مقامی اونچه‌لیک صلاحیت‌گه ایگه اېمسلیگی ایتیلیب کېلماقده.
ایتیش کېره‌ک که عبدالسلام حنفی طالبان اوچ ییللیک حاکمیتی دوریده اونچه‌لیک رسمی سفرلر بیلن چیت مملکتلریگ بارمه‌گن.
