لاجورد یۉلی تدقیقات مرکزی آنلاین بیر ییغین اۉتکزیب، افغانستان نینگ تورک خاتین-قیزلری احوالی خصوصیده بحث قیلدی.
افغانستان‌لیک تورکتبار عیاللر؛ ایکی برابر تبعیض سایه‌سی آستیده‌گی جیم‌لیک عنوانی آستیده اۉتکزیلگن بوییغین‌ده، افغانستان‌لیک اۉزبېک خاتین-قیزلری، باش‌دن کېچیریب یاتکن معمالری و آغیر احوالی خواطرلی بیان بۉلدی.
لاجورد یۉلی تدقیقات مرکزی مسوولی عالیه ییلماز باشقیرووی‌ده اوتکزیلگن بو ییغین‌ده، عیاللر حقلری فعاللری، سابق حکومت سیاسی سیمالری، ملی کېنگش‌لر اعضالری و ژورنالیست‌لر اشتراک قیلیب، اۉزبېک عیاللری احوالینی محاکمه قیلدی‌لر.
ییغین اشتراکچیلری نینگ ایتیشیچه، افغانستان‌ده اۉزبېک خاتین-قیزلری، قومیت همده جنسیت‌گه اساس ایکی خیل تبعیض و چیکلاولر بیلن یوز مه یوز دیر.
اولرنی تاکیدلشیچه، افغانستان‌لیک تورک خاتین-قیزلری باشقه خاتین-قیزلردیک طالبان تامانیدن یره‌تیلگن چیکلاولردن جبرلنگنلری یانیده، تورک بۉلگنی اوچون جدی تبعیض بیلن هم یوز مه یوز بۉلیب کېلماقده دیر.
اولر افغانستان‌ده طالبان حاکمیتی آستیده اۉزبېکلر اینقسه اۉزبېک خاتین-قیزلری احوالی مستند اېتیلیب تیکشیریلیشینی تاکیدلدی‌لر.
