بوکون : یکشنبه 9 سنبله 1404

Kabul
+10...+17° C

بوکون : یکشنبه 9 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

اۉزبېک فعاللری حامد قرلق آزاد اېتیلیشینی سۉره‌یدی

تخار ولایتی دشت قلعه اولسواللیگیدن بۉلگن فعال، حامد قرلق کمیده ۲۰ کون‌دن بویان طالبان قماقخانه‌سیده قالیب کېلماقده دیر.

بو فعال نینگ ناانیق تقدیری اۉزبېک فعاللرینی خواطری‌گه باعث بۉلیب، بو فعاللر حامد قرلق آزاد اېتیلیشی اوچون دادخواه‌لیک بۉلیشینی طلب قیلگن.

انسان حقلری بوییچه فعال فرخ‌لقا اونچی‌زاده و اۉزبېک فعاللردن یونس‌بیک شامل، بیر قنچه فعاللر اجتماعی صحیفه‌لرده، حامد قرلق تقدیری خصوصیده خواطر بیلدیرگن‌لر.

اۉزبېک فعاللریدن بۉلمیش یونس‌بیک اۉزی نینگ ایکس صحیفه‌سیده حامد قرلق ساغلیق احوال‌نی آغیر بیان قیلیب یازیشیچه “تخارلیک اۉزبېک فعال حامد قرلق ۱۷ کون‌دن بویان محاکمه بۉلینمه‌ی طالبان قماقخانه‌سیده شکنجه آستیده سقله‌نیب کېلماقده دیر. اونینگ ساغلیق وضعیتی آغیر بو اوچون عدالت تامین اېتیلسین.”

طالبان حاضرگه قدر بو فعال احوالی و محاکمه‌سی تۉغریسیده بیران معلومات بېرمه‌گن و بونگه علاوه قرلق عایله‌سی‌گه اوچره‌شیش اوچون اونچه‌لیک رخصت بېریلمه‌گن.

اۉزبېک تی‌وی تیکشیرووی اساسیده، حاضرگه قدر بیر مراتبه قرلق عایله‌سی بیلن کۉریشیش‌گه رخصت آلگن. شونینگدېک اۉزبېک تی‌وی منبع‌لری تخارلیک بو فعال تخار مرکزی قماقخانه‌سیگه انتقال بېریلگنی حقیده هم معلومات بېرگن اېدی.

افغانستان‌لیک انسان حقلری فعاللریدن بیری فرخ‌لقا اونچی‌زاده، اۉزی نینگ ایکس صحیفه‌سیده قرلق تقدیری تۉغریسیده خواطر بیلدیریب بوندی یازگن “انسان حقلری فعالی حامد قرلق تخار ولایتیده طالبان قماقخانه‌سیده کلتک‌لنماقده دیر. التماس بو ییگیت اوچون دادخواه‌لیک قیلینگیزلر.”

ایتیش کېره‌ک که حامد قرلق عقرب آیی نینگ ۲۳ – کونی فرهنگی ایش‌لری سبب، طالبان تامانیدن محبوس اېتیلگن اېدی و حاضرگه قدر اونینگ تقدیری بیللی اېمس.

شریک قیلینگ

Related Posts

Add New Playlist