ایران اسلامی جمهوریتی نینگ مشهد شهریده، اکو اقتصادی همکارلیکلر تشکیلاتی‌گه اعضا مملکتلر تشقی ایشلر وزیرلری ییغینی باشله‌نگن.
افغانستان هم مذکور تشکیلات اعضالری جمله‌سیدن دیر، بیراق طالبان رسمیت‌گه تَن آلینمه‌گنی باعث، بو ییغین‌ده افغانستان‌دن بیران وکیل چقیریلگن اېمس.
ایرانلیک یېتکرمه‌لر بو مملکت تشقی ایشلر وزیری عباس عراقچی، باشچیلیگیده بۉلگن، اکو تشکیلاتی نینگ بو ییغینی‌ده، اورته آسیا مملکتلری‌گه قوشیمچه، تورکیه، پاکستان و آذربایجان وکیللری هم اشتراک قیلگن.
مذکور ییغین‌ده، اکو تشکیلاتی‌گه اعضا مملکتلری آره‌سیده‌گی اقتصادیات و مدنیت مساله‌لری تۉغریسیده همکارلیکلر کوچه‌یشی تیکشیریلیشی اعلام قیلینگن.
