بیرلشکن ملتلر تشکیلاتی نینگ افغانستان‌ده‌گی نماینده‌لیگی یا ده «یوناما» بیر بیانات نشر قیلیب، افغانستان‌ده بیر میلیون و ۵۰۰ مینگ ناگران شخص بارلیگیدن خبر بېردی.
یوناما دسمبر آیی نینگ ۳ – سی، خلق‌ارا ناگران‌لر کونی مناسبتی بیلن بو حقده بیانات نشر قیلگن.
یوناما تامانیدن نشر اېتیلگن بیانات‌نی بیلدیریشیچه، بو شخص‌لردن کۉپینچه‌سی اۉتگن ییللر ایچیده‌گی اوروش‌لردن پارتلمه‌ی قالگن، قوراللر و حربی امکانیت‌لر پارتله‌گنی عاقبتیده ناگران بۉلگن.
افغانستان‌ده شوندی بیرحالده بو تعداد ناگران‌لر بارلیگی اَیتیلماقده دیر که مملکت ناگران‌لری نینگ احوالی آغیر دېب معلوم قیلینماقده.
طالبان ایریم قرارلری هم ناگران‌لر احوالینی کۉپراق آغیر‌لشتیرگن.
بو حاکمیت اخیرگی بیر ییل ایچیده، ناگران‌لر وضعیت‌گه ییتیشیش مقصد فعال بۉلگن تشکیلات‌لردن بیری «افغانستان اوچون سویدن کمیته‌سی» فعالیت‌لرینی هم تۉخته‌تگن اېدی.
