افغانستان‌لیک بیر قنچه انسان حقلری فعاللریدن شکل‌لنگن، انسان حقلری فعاللری بیرلشمه‌سی بیر بیانات نشر قیلیب، طالبان آرقه‌لی قیزلر اونگیده طبی انستیتوت‌لر باغله‌نیشیدن تنقید قیلدی.
انسان حقلری فعاللری نینگ بیرلشمه‌سی طالبان بو قرارینی، عیاللرگه قرشی تیزیملی تبعیض و جنسیت‌گه اساس آپارتاید دېب تاکیدلگن.
بو بیرلشمه مذکور قرار عاقبت‌لریدن آگاه‌لنتیریب، یقین کېله‌جکده افغانستان عیال شفاکارلردن محروم بۉله‌دی دېگن.
انسان حقلری فعاللری بیرلشمه‌سی بیاناتی نینگ بیر بولیمیده کېلیشیچه ” مملکتده هر کونی ۲۴ آنه و ۱۶۷ باله علاجی بۉلگن کسللیکلر طفیلی جان بېرگن بیر حالده قیزلر طبی اۉقیش‌لردن تقیق‌لنیشی، یقین کېله‌جکده افغانستان عیال شفاکارلردن محروم اېتیله‌دی دېگنی دیر.”
ایتیش کېره‌ک که طالبان عیاللرگه قرشی یره‌تگن چیکلاولری دوامیده، قیزلرنی طبی اۉقیش‌لردن بوتونله‌ی محروم قیلگن.
طالبان رهبریتی نینگ بو قراری کۉپلب مناسبت‌لرگه باعث بۉلیب جدی تنقیدلرنی اورته‌گه آلیب کېلگن.
ایتیلیشیچه بو قرار برابریده طالبان ایریم اعضالری هم قرشی‌لیک کۉرسه‌تگن.
