طالبان حاکمیتی فاریاب و خوست ولایتلریده، ۷ کیشی تورلی عیبلاولر باعث عامه حضوریده دُره اۉریلگنیدن خبر بېردی.
طالبان عالی محکمه‌سی تامانیدن نشر اېتیلگن بیانات‌لرنی بیلدیریشیچه، فاریاب ولایتیده بیر کیشی و خوست ولایتیده آلتی کیشی، نامشروع علاقه، پاره‌خورلیک و فریب‌گرلیککه عیب‌لنیب، عامه حضوریده جزالنگن.
بو جمله‌دن فاریاب ولایتیده بیر کیشی نامشروع علاقه قوریش عیبلاوی بیلن جزالنگن و قالگن آلتی کیشی اېسه خوست ولایتیده، نامشروع علاقه، فریب‌گرلیک و پاره‌خورلیککه عیب‌لنیب جزالنگن.
طالبان بو کیشی‌لرنی هر بیری‌گه ۳۵ الی ۳۹ دُره اۉرگن.
