افغانستان ژورنالیست‌لری مرکزی بیر بیانات نشر قیلیب، طالبان استخبارات و امر بالمعروف اداره‌لری، آروز تلویزیون نینگ باغله‌گنی یانیده، بیر قنچه ایشلاوچیلرینی هم محبوس قیلگنیدن خبر بېردی.
دیمک بو واقعه‌ده اۉزبېک فعاللردن بیری و آرزو تلویزیون نینگ کابل بولیم باشلیغی امان الله عظیمی شامل ۷ کیشی توتقین‌گه آلینگن.
افغانستان ژورنالیست‌لری مرکزی بیاناتی نینگ بیر بولیمیده کېلیشیچه ” استخبارات و امر بالمعروف اداره‌لری نینگ ایشلاوچیلری، آروز تلویزیون نینگ ساعت ۳ آقشم‌گه قدر تیکشیریب و ایشلاوچیلرنی تیرگاو آستیده آلدی. اوندن کیین ۷ کیشی جمله‌دن، آروز تلویزیونی نینگ کابل بولیم باشلیغی امان الله عظیمی، باشلاوچی خالد بارکزی، اداری بولیم مسوولی امیر حسین عطریان، تولید بولیم مسوولی ظهیر و سمیع، هارون و بکتاش ناملی باشقه اوچ ایشلاوچینی، قۉلگه آلیب کمپیوترلری بیلن بیرگه آلیب کېتدی.”
افغانستان ژورنالیست‌لری مرکزی گه کۉره، طالبان اۉتگن کون آرزو تلویزیونی‌گه باستیریب کېلیب، بیر نیچه ساعت تدقیقات‌دن کیین بو تلویزیون فعالیت‌نی تۉخته‌تگن.
ایتیلیشیچه آرزو تلویزیونی فعالیتی تشقری‌ده فعال بۉلگن، «افغانستان انترنشنال» و «آمو» تلویزیون کاناللری بیلن همکارلیک قیلیش‌گه عیب‌لنیب تۉخته‌تیلگن.
