سوریه مملکتیده اخیرگی نیچه کون ایلگری، ییریک بیر اوزگریش یوز بېریب، کمیده یریم عصردن بویان حاکمیت‌ده بۉلگن اسد عایله‌سی حاکمیتی قوله‌دی.
حاضر نه یالغیز سوریه‌لیکلر بلکیم بوتون دنیا یېتکرمه‌لری و حکومت‌لری نینگ دقتی سوریه‌ده و بو دقتلر سوریه مملکتیده ینگی حکومت اورته‌گه کېلیشی اوچون قره‌تیلگن.
اۉتگن کون سوریه مملکتیده حاکم بۉلگن عصیانچی تحریر شام گروهی نینگ رهبری محمد جولانی، بو مملکت سابق باش وزیری محمد جلالی بیلن بیر ییغین اۉتکزیب، کېله‌سی حکومت تۉغریسیده بحث‌لشگن.
بو مذاکره‌دن کیین، محمد بشیری ناملی بیر شخص وقتینچه‌لیک باش وزیر تعیین‌لندی و کیله‌سی کابینه‌نی شکل‌لنتیریش بورچی اونی بوینیگه قوییلگنی خبر قیلیندی.
سوریه‌ده سیاستچی‌لر حکومت قوریش اوچون اولگورماقده اېکن، بیراق بو مملکت اهالیسی، اورته‌گه کېلگن اوزگریش‌نی امید و خواطر بیلن کوتیب آلماقده دیر.
سوریه‌لیکلرنی کۉپ قسمی بشار اسد حکومتی قوله‌گنیدن خرسندچیلیک قیلماقده بۉلسه‌لرده، ایریم‌لر اېسه کیله‌جکدن خواطرده دیر.
سوریه اوچون اینگ مهم خواطرلر بو مملکت نینگ کیله‌سی سیاسی کیله‌جگی دیر.
بو حقده، سوریه حاکمیتی کیله‌جکده قندی شکل‌لنیشی، بو حاکمیت‌ده انسان حقلری و اقلیت‌لر حقلری قندی سقلنیشی و شونینگدېک بو حاکمیت خلق‌ارا هم‌جمعیتی تامانیدن قندی قبول قیلینیشی؟ اساسی سوراغ‌لر دیر که سوریه تقدیری خصوصیده تیلگه آلینه‌دی.
