اۉتگن کون چهارشنبه، ۲۱ – قوس، افغانستان قاچقین‌لر و وطن‌گه قیته‌یاتکنلر ایشلری بوییچه وزیرلیگی صحنی‌ده، بیر پارتلش یوز بېریب، آلتی کیشی جمله‌دن طالبان نینگ بو وزیرلیک اوچون سرپرستی خلیل‌الرحمان حقانی جان بېردی.
دېیرلی حقانی ترماغی نینگ ییریک رهبرلریدن بیری بۉلمیش خلیل الرحمان حقانی، تورلی خیل مناسبت‌لر بیلن قرشی‌لنگن.
افغانستان سابق سیاسی سیمالریدن حامد کرزی و عبدالله عبدالله بو حقده قیغوداشلیک بیلدیریب، بو هجوم‌نی قاره‌لگن.
شونینگدېک تورکیه، ایران، قطر و سعودی عربستان کبی ایریم مملکتلر نماینده‌لری هم بو واقعه‌نی قاره‌لگن.
مذکور مناسبت‌لر یانیده، کۉپلب افغانستان‌لیکلر حقانی اۉلیمی حقیده اجتماعی صحیفه‌لرده مناسبت بیلدیریب، حقانی ترماغی آرقه‌لی اویوشتیریلگن قانلی پارتلش هجوم‌لردن ایسله‌گن.
بو جمله‌دن افغانستان سابق سیاسی حربی سیمالریدن سمیع سادات، حقانی تامانیدن کابل تورلی منطقه‌لریده، قانلی هجوملر اویوشتیریلگنی باعث، بو واقعه‌ده خرسندچیلیک بیلدیرگن.
