طالبان بوندن ایلگری بیر قنچه مراتبه، افغانستان‌دن بۉلگن خوفسیزلیک خواطرلرنی رد اېتیب، بو مملکتده هیچ قندی ترورچی بیر گروه فعال اېمس‌لیگینی ایتیب کېلگن.
طالبان افغانستانده داعش فعالیتی حقیده خواطر بیلدیریلگن تقدیرده، بو گروه نابود اېتیلگنینی تاکیدلب کېلماقده اېدی، بیراق اخیرگی کونلر ایچیده، طالبان مهاجرلر وزیری خلیل الرحمن حقانی داعش آرقه‌لی اویوشتیریلگن هجوم عاقبتیده هلاک بۉلگنی، داعش خصوصیده‌گی خواطرلرنی کۉپه‌یتیرگن.
دیمک بو واقعه‌دن کیین بیرلشکن ملتلر تشکیلاتی خوفسیزلیک کېنگشی و امریکا قوشمه ایالتلری داعش فعالیتیدن خواطر بیلدیردی‌لر.
امریکا قوشمه ایالتلری خوفسیزلیک کېنگشی نینگ سۉزلاوچیسی جان کربی، داعش‌نی افغانستانده جدی تهدید دېب، بو گروه طالبان‌گه قرشی تمرکزلرینی جدی‌لشتیرگنینی اعلام قیلدی.
عینی حالده امریکا تشقی ایشلر وزیرلیگی هم یقین‌ده نشر قیلگن گزارشی‌ده، افغانستانده داعش و القاعده کبی گروه‌لر فعال حضوری بارلیگینی بیلدیرگن.
