افغانستان‌ده آلتی ییل‌دن بویان اوغلاق/اولاق لیگه‌سی، باشلنگن و بو ییللر ایچیده، افغانستان اهالی اینقسه تورکستان و قطغن ولایتلری خلق‌لری تامانیدن، اولاق بیله‌شوولری قیزیق ایزله‌نگنی، بو لیگه جذابیت‌نی آرتیرگن.
خلق‌میز تامانیدن قیزیق قوللب-قوتلنگنی باعث، اولاق لیگه‌سی اخیرگی آلتی ییل ایچیده، مملکتده اینگ کۉپ مخلص‌گه ایگه بۉلگن اۉیین و سپورت‌گه اَیله‌نگن.
دېیرلی بو لیگه‌نینگ آلتینچی دوری هم باشقه دورلرگه نسبتن قیزیق و فرق‌لی باشلنگن اېدی، بیراق بو لیگه یکونلی اۉیین‌لری مدیریت‌سیزلیکلر باعث کوتیلگن‌دیک یکونلمه‌دی.
بو لیگه یکونلی اۉیینی، سرپل اولاق جماعه‌سی و یما پترول جماعه‌سی آره‌سیده اۉتکزیلیشی ریجه‌لشتیریلگن اېدی، بیراق سرپل جماعه‌سی اره‌ضلگنی سبب بو اۉیین اۉتکزیلمه‌ی، اولاق هیجان‌نی آزه‌یتیردی.
انه‌شو‌و سبب یما پترول بیرینچی و فاریاب یاشلری اېسە ایکینچی مقام‌نی اوزلریدن قیلدی‌لر.
سرپل اولاق فدراسیونی بو قرارلری نینگ سببی یما پترول اولاق جماعه‌سی هیچ بیر ولایت‌دن وکالت قیلمس‌لیگی دېب اعلان قیلگن بۉلسه‌ده، بیراق بو جماعه اعضالری اۉزبېک تی‌وی‌گه بیر قنچه مساله‌لرده اولرنینگ شکایت‌لری طالبان سپورت اداره‌لری تامانیدن یخشی‌لب تیکشیریلمه‌گنی دېب اورغوله‌یدیلر.
نیمه بۉلگنده هم اۉلاق لیگه‌سی نینگ بوندی ساووق یکونلنیشی هیچ کیم تامانیدن کوتیلمه‌گن اېدی و بو اۉیین‌گه قیزیققن شخص‌لر کیله‌جکده بوندی مدیریت‌سیزلیکلر اولاق لیگه‌سی جذابیت‌نی آزه‌یتیریشیدن خواطرده دیر.
