بیرلشکن ملتلر تشکیلاتی نینگ باش کاتبی آنتونیو گوتریش، دسمبر آیی نینگ ۱۸ – خلق‌ارا مهاجرلر کونی مناسبتی بیلن بیر بیانات نشر قیلیب، مهاجرلرگه قرشی توسیق‌لیکلردن خواطر بیلدیرگن.
گوتریش اۉزی نینگ ایکس صحیفه‌سیده یازیشیچه “بوگون بیزگه تعصب و تبعیض، زوره‌وانلیک و ناتوغری فایده‌لنیش همده انسان قاچاقی‌دیک ظلم‌لر کبی مهاجرلر دوچ بۉلیشی ممکن بۉلگن توسیق‌لیکلرنی ایسله‌تَدی.”
عینی حالده بیرلشکن ملتلر تشکیلاتی نینگ باش کاتبی، میلیون‌لرچه مهاجرنی اقتصادلر و جماعه‌لر رواجلنیشی اوچون، قوشگن حصه‌لری قدرلنیشینی هم تاکید قیلگن.
شونینگدېک بیرلشکن ملتلر تشکیلاتی نینگ باش کاتبی، خوفسیز بیر مهاجرت تیزیمی، اورته‌گه کېلیشی اوچون سعی‌وحرکت اېتیلیشی کېره‌ک دېگن.
ایتیش کېره‌ک که افغانستان اینگ کۉپ اهالیسی، مهاجر بۉلگن مملکتلر جمله‌سیدن دیر. افغانستان‌لیک مهاجرلرگه میزبان مملکت‌لردن بو مهاجرلر آغیراحوالده بۉلگنی حقیده کۉپلب گزارش‌لر نشر اېتیلماقده.
