تورکیه‌نینگ قونیه شهریده بیر قنچه یاشلر اینیقسه افغانستان‌لیک یاشلر «یاش یېتکچیلیک حرکتی» نامی آستیده اۉتکزیلگن دستورده قتنه‌شیب فکر المشتیردیلر.
لاجورد یۉلی تدقیقات مرکزی و سیمرغ اکادیمیه‌سی تشبثی بیلن یۉلگه قۉییلگن، مذکور برنامه دسمبر آیی‌نینگ ۱۲- سیدن ۱۴-سیگچه مۉل‌جللنگن.
بو ییغین‌ده یاشلرنینگ یېتکچیلیک مهارت‌لرینی کوچه‌یتیریش مساله‌لری بۉییچه، ریجه‌لر اوستیده هر تامانلمه بحث آلیب باریلگن.
شونینگدېک کۉپچیلیگی یاشلردن تشکیل تاپگن ییغین اشتراکچیلری، اۉز – اۉزینی تانیش و روحیه‌لرنی کوچه‌یتیریش کبی، ساحه‌لرده مولانا جلال‌الدین محمد بلخی تفکری اهمیتی، خصوصیده هم بحث قیلیب صحبت قیلگنلر.
لاجورد یۉلی تدقیقات مرکزی تامانیدن بو حقده نشر اېتیلگن بیانات‌ده، بو کبی ییغینلر یاشلر توشینچه‌سی و ظرفیتلرینی کۉتریش اوچون اۉنیملی بۉلیشی باره‌سیده تاکیدلنگن.
