اۉزبېکستان مملکتی افغانستانده، ساغلیق مرکزلری قوریلیشی، دارو وارد اېتیلیشی، سمنت ایشلب چیقاریش ایشخانهسی قوریلیشی و تاش کومیر ساتیب آلیش ساحهسیده، سرمایه یاتقیزیشگه تیارگرلیک کۉرسهتگن.
اۉزبېکستان نینگ کابلدهگی ایلچیسی آیبیک عثمانوف، طالبان باش وزیری نینگ اداری اۉرین باسری عبدالسلام حنفی بیلن اۉتکزگن اوچرهشوویده، بو تۉغریده اۉزبېکستان تیارگرلیگینی اعلام قیلگن.
طالبان سۉزلاوچیسی اۉرین باسری حمدالله فطرت نینگ یېتکیرمهلرگه ایتیشیچه، “بو اوچرهشووده اۉزبېکستان ایلچیسی بو مملکت تدبیرکارلری، افغانستانده ساغلیق مرکزلری قوریلیشی، دارو وارد اېتیلیشی، سمنت ایشلب چیقاریش ایشخانهسی ایجاد اېتیلیشی و تاش کومیر تجارتی اوستیده سرمایه یاتقیزیشگه تیار دېب بیلدیردی.”
طالبان باش وزیری اۉرین باسری و اۉزبېکستان ایلچیسی اوچرهشوویده، ایکی تامانلمه همکارلیکلر و علاقهلر کوچهیشی هم محاکمه اېتیلگن.
دېیرلی اۉزبېکستان مملکتی، طالبان حاکمیتی دوریده افغانستان بیلن اقتصادی همکارلیکلرینی آشیریش آرتیدن دیر.
