بیرلشگن ملتلر تشکیلاتی‌نینگ عایله‌لرنی ییرلشتیریش برنامه‌سی یا ده «یوان هبیتات» اۉزی نینگ ایکس صحیفه‌سیده بیر بیانات نشر قیلیب، افغانستان جمعیتی آره‌سیده، شهرده یشش‌نی اختیار قیلیش کۉپه‌یگنیدن خبر بېردی.
بیرلشکن ملتلر تشکیلاتی بو اداره‌سی، افغانستان‌ده هر ایکی کیشیدن بیری ۲۰۶۰- ییلگچه شهرلرده یشه‌یدی دېب پیشبین‌لیک قیلگن.
عینی حالده یوان هبیتات، افغانستان شهرلری بونچه جمعیت‌نی، قبول قیلیش‌گه تیار اېمس دېب خواطر بیلدیرگن.
بو اداره اۉزی نینگ ایکس صحیفه‌سیده بو حقده یازیشیچه “تینچ و ماس یشش محیط‌لرگه اوستون‌لیک بېریش بیلن بیز هر بیر انسان اوچون صفت‌لی یشش محیط‌لرینی قوریشیمیز ممکن دیر.”
ایتیش کېره‌ک که اخیرگی ییللر ایچیده، اوروش و قوریقچیلیکلر کبی معمالر، افغانستان کۉپلب عایله‌لرنی قیشلاق‌لردن شهرلرگه کۉچیش‌گه مجبور قیلگن.
