تخار ولایتی دشت قلعه ولایتیدن بۉلگن اۉزبېک فعال حامد قرلق، طالبان قماقخانهسیده سقلَنیشی دوام اېتر اېکن، بو فعال آزاد اېتیلیشی اوچون کینگ دادخواهلیکلر یۉلگه تشلهنماقده دیر.
مذکور دادخواهلیکلرنی یۉلگه تشلهگن فعاللر مشترک بیر قطعنامه نشر قیلیب، خلقارا انسان حقلری تشکیلاتلریدن حامد قرلق آزاد اېتیلیشی اوچون سعی و حرکت قیلیشلرینی سۉرهگن.
بو قطعنامهده گناهسیز حالده قرلق قماقده سقلَنیشی، انسان حقلری و اسلام بویروغلریگه قرشی دېب تاکید اېتیلگن.
اوشبو دادخواهلیکنی یۉلگه تشلهگن فعاللردن بیری خادم اوغلو سمنگانی قرلق آزاد اېتیلیشیگه قدر دادخواهلیکلرینی دوام بېریشلریدن ایشانچ بېرهدی.
شونینگدېک بو فعالنی یازیشیچه “بیزنی دادخواهلیکلریمیز باشلهنگنیدن کیین طالبان تخار ولایتی خوفسیزلیک ادارهسیده قوم بویوکلری و قرلق عایلهسینی چقیریب، بو فعال آزاد اېتیلیشی اوچون سۉزلشوولرنی باشلهگن.”
عینی حالده بیر قنچه انسان حقلری و اجتماع ینهادلر هم حامد قرلق آزاد اېتیلیشی اوچون بۉلگن دادخواهلیککه قوشیلگن.
افغانستان عیاللری ترماغی و افغانستان خلقارا استراتیژیک تدقیقاتلر مرکزی شامل بیر قنچه نهادلر هم حامد قرلق آزاد اېتیلیشینی طلب قیلگن.
