پاکستان تشقی ایشلر وزیرلیگی نینگ سۉزلاوچیسی زهرا ممتاز بلوچ، بو مملکت هلی هم افغانستاندن بۉلگن ترورچیلیک تهدیدلریدن، خواطرده دېب تاکیدلگن.
بوگون پنجشنبه، ۶ – جدی خبری بیر ییغینده، نطق سۉزلهگن پاکستان تشقی ایشلر وزیرلیگی سۉزلاوچیسی، بو مملکت افغانستانده پناه آلگن ترورچی گروهلردن خواطرده دېب اورغولهگن.
شوندی بیرحالده، زهرا ممتاز بلوچ ترورچیلیک خواطرلری، افغانستان برابریده پاکستان سیاستی نینگ مهم مسالهلریدن دېب بیلدیرگن.
شونینگدېک پاکستان تشقی ایشلر وزیرلیگی سۉزلاوچیسی، بو مملکت طالبان حاکمیتیده بۉلگن افغانستان بیلن، همکارلیک قیلیشگه تیار دېب اعلام قیلگن.
زهرا ممتاز بلوچ نینگ ایتیشیچه: “پاکستان مملکتی طالبان بیلن برچه مسالهلر خصوصیده علاقهده دیر و خواهلهیدی، سوداگرلیک، ترانزیت، خوفسیزلیک و چیگره باشقیریلیشی مسالهلری تۉغریسیدهگی همکارلیکلرنی کوچهیتیرسه.”
دیمک پاکستان اوچ ییلدن بویان، بو مملکتگه قرشی بۉلگن ترورچی قورالی گروهلر افغانستانده بارلیگینی ادعا قیلهدی، طالبان اېسه بونی رد اېتیب کېلماقده دیر.
بو قرمه-قرشیلیکلر دوامیده اخیرگی کونلر ایچیده، پاکستان افغانستان نینگ پکتیکا ولایتی برمل اولسواللیگیده، هوایی هجوم اۉیوشتیردی.
دېیرلی ۵۰ دن آرتیق کیشینی قربانلیک آلگن بو هجوملر، طالبان تامانیدن قارهلندی و طالبان بو هجوملرنی جوابسیز قالدیرمسلیکلرینی بیلدیرگن.
