طالبان نینگ صناعت و سوداگرلیک وزیرلیگی، قزاقستان مملکتی سوداگرلری و تدبیرکارلریدن شکللنگن، بیر هیات کابل کېلگنیدن خبر بېردی.
طالبان صناعت و سوداگرلیک وزیرلیگی، تامانیدن نشر اېتیلگن معلوماتگه کۉره، بو سوداگرلر و تدبیرکارلر ۴۰ کیشیدن عبارت بۉلیب، قزاقستان و افغانستانارا، اقتصادی همکارلیکلر آشیریلیشی حقیده بحث قیلگن.
دېیرلی اوچ کون ایلگری کابل کېلگن، قزاقستانلیک بو هیات، طالبان تورلی ادارهلری رسمیلری بیلن اوچرهشیب، افغانستان و قزاقستان آرهسیدهگی سوداگرلیک حجمی اوچ میلیارد دالرگه قدر آشیشی یۉللرینی قیدیرگن.
طالبان صناعت و سوداگرلیک وزیرلیگی نینگ سرپرستی نورالدین عزیزی نینگ ایتیشیچه ” اوچرهشوولرده قوییدهگی مسالهلر تۉغریسیده بحث اېتیلدی؛ سوداگرلیک حجمی اوچ میلیارد دالرگه قدر آشیریلیشی بوییچه بۉلگن یۉل خریطهسی عملگه آشیریلیشی، ایکی تامانلمه سوداگرلیک علاقهلر اوچون قولهیلیکلر یرهتیلیشی مقصد کیلیشوو توزیلیشی و قزاقستان نینگ افغانستاندن قوریق و تازه میوه همده ایچیملیکلر وارد اېتیشی.”
دیمک طالبان حاکمیتی آستیده بۉلگن افغانستان بیلن، اورته آسیا مملکتلری اینقسه قزاقستان و اۉزبېکستان، اقتصادی علاقهلرینی کینگهیتیرماقده دیر.
حاضرگه قدر بو مملکتلر، طالباننی رسمیتگه تَن آلمهگن بۉلسه هم، اولر بو حاکمیت بیلن، کۉپلب همکارلیک شرطنامهلرنی امضالگن.
