ههنگاو انسان حقلری تشکیلاتی، اۉزی نینگ ویب سایتیده نشر قیلگن بیاناتیده، ایران حکومتی تامانیدن ینه بیر افغانستان وطنداشی، اعدام اېتیلگنیدن خبر بېردی.
ههنگاو تامانیدن بوگون پنجشنبه، ۶ – جدی نشر اېتیلگن معلوماتگه کۉره، ایران حکومتی تامانیدن بو مملکت شیراز ولایتی «عادل آباد» قماقخانهسیده، کاتب سیدنیان ناملی افغانستان وطنداشی و حامد رنجبر ناملی ایران وطنداشی اعدام اېتیلگن.
ایتیلیشیچه، بو ایکی کیشی ایران حکومتی تامانیدن مخدره ماده قاچاق اېتیلیشی و آدم اۉلدیریشگه عیبلنیب اعدام بۉلینگن.
شونینگدېک ههنگاو تشکیلاتی، ایرانده جاری ییل ایچیده افغانستان وطنداشی بۉلگن ۷۱ کیشی اعدام اېتیلگنیدن خبر بېریب یازیشیچه “ههنگاو تامانیدن توپلنگن معلوماتلرگه اساس، میلادی ۲۰۲۴ – ییل باشلنیشیدن حاضرگه قدر، ایرانده افغانستان وطنداشلری جملهسیدن ۷۱ کیشی اعدام اېتیلگن.”
دیمک بوندن ایلگری، ایران حکومتی طالبان بیلن افغانستانلیک محبوسلرنی بو مملکتگه انتقال بېریش اوچون، بیر کیلیشوو هم امضا قیلگن اېدی.
