موزامبیک مملکتیده یقین بیر هفتهدن بویان، جدی ناتینچلیکلر باشلهنیب، بو مملکتده سیاسی و خوفسیزلیک ترتیبسیزلیکلرنی، اورتهگه آلیب کېلگن.
خلقارا یېتکرمهلرنی گزارش بیریشیچه، حاضرگه قدر بو ترتیبسیزلیکلر باعث، موزامبیک مرکزی قماقخانهسیدن، کمیده ۱۵۰۰ محبوس قاچیشگه قادر بۉلگن.
دېیرلی بو ترتیبسیزلیکلر سیلاو نتیجهسی اعلام بۉلیشی آرتیدن باشلهنگن و ناراضلیک نمایشلرگه قۉلگه اورگن کیشیلر، سیلاوده قلابکارلیک بۉلگنینی ایتهدیلر.
دیمک بو سیلاوده، میلادی ۱۹۷۵ – ییلدن بویان قدرتده بۉلیب کېلگن، «فرمیلو» پارتیهسی، اۉزینی سیلاو غالبی اعلام قیلگن اېدی.
موزامبیکده جاری وضعیت حقیده، نشر اېتیلگن خبرلرگه اساس، حاضرگه قدر بو مملکتده ۳۳ کیشی جان بېرگن و باشقه ۱۵ کیشی یرهلنگن. شونینگدېک موزامبیک پولیس کوچلری، بو مملکت مرکزی قماقخانهسیدن قاچیب چیقیشگه قادر بۉلگن، محبوسلر جملهسیدن، ۱۵۰ کیشی قیتریلگنینی هم معلوم قیلماقده دیر.
ایریم ملکتلر، جملهدن روسیه مملکتی، وطنداشلریدن موزامبیک مملکتیگه سفر قیلمسلیکلرینی توصیه قیلگن.
