ایریم یېتکیرمهلر اۉز منبعلردن نقل قیلیب خبر بیریشیچه، ننگرهار ولایتیده طالبان محلی رسمیلری، بو ولایتدهگی آلتینچی صنفدن یوقاری قیزلرنی کورسلرگه باریشینی هم تقیقلگن.
ایتیلیشیچه طالبان ننگرهار ولایتیدهگی کورسلرگه، آلتینچی صنفدن یوقاری قیزلرنی اۉقیشگه آلمسلیککه بویروغ بېرگن.
دیمک ایکی کون ایلگری، طالبان نینگ قیزلر تعلیمیگه قرشی بو ینگی چیکلاوی هرات ولایتیده، قۉلگه آلینگنی خبر قیلینگن اېدی.
حاضرگه قدر طالبان رسمیلری، بو چیکلاولرنی رسمی تصدیقلگن اېمس.
ایتیش کېرهک که طالبان اوچ ییل حاکمیتیده، انسان حقلریگه قرشی کمیده ۵۰ بویروغ ترقهتگن که بو بویروغلرنی کۉپینچهسی، خاتین-قیزلر برابریده چیکلاو یرهتگن.
