تورکیهلیک بایکار کمپنیهسی، ایتالیا نینگ اوچاق ایشلب چیقاریش ییریک کمپنیهسی بۉلمیش «پیاجیو ایروسپیس» نی ساتیب آلیب، ایتالیا اوچاق صناعتیگه کېردی.
تورکیهلیگ یېتکیرمهلرنی گزارش بیریشیچه، بایکار کمپنیهسی دنیا بیر قنچه مملکتلریدن بۉلگن کمپنیهلر بیلن رقابت قیلیب، نهایت ایتالیالیک «پیاجیو ایروسپیس» کمپنیهسی نینگ ساتیب آلیشگه قادر بۉلگن.
دیمک بوندن ایلگری کوچلی و زمانهوی پهباد ایشلب چیقاریش بیلن تانیلگن تورکیهلیک «بایکار» کمپنیهسی، ملکی اوچاق صناعتیده هم سرمایه یاتقیزگن.
ایتالیا صناعت و سوداگرلیک وزیری آدولفو اورسو بو سودا حقیده یېتکیرمهلرگه ایتیشیچه “آلتی ییل کوتیشدن کیین نهایت بیز پیاجیو کمپنیهسی اوچون کیلهجک تعیین قیلدیک. بیزنی مملکتمیز استراتیژیک بارلیکلریدن بۉلگن بو کمپنیه اوزاق مدتلی ریجه اساسیده قیته قوریلهدی شونینگدېک کمپنیه تیزیمی و ایشچیلری سقلنهدی.”
ایتیش کېرهک که ۱۴۰ ییل تاریخگه ایگه بۉلگن ایتالیالیک «پیاجیو ایروسپیس» کمپنیهسی، ایشلب چیقارگن اۉزیگه خاص جیتلری بیلن بو ساحهده دنیادهگی ییریک کمپنیهلردن بیری دیر.
بو کمپنیهنینگ ینگی ایگهسی «بایکار» کمپنیهسی هم، اخیرگی ییللر ایچیده، دُرون ایشلب چیقاریش ساحهسیده دنیادهگی مهم کمپنیهلردن بیریگه اَیلهنگن.
