سرپل ولایتیدن کمیده اوچ منبع اۉزبېک تیوی گه، بو ولایتده ییر اوستیده جنجل یوز بېرگنینی تصدیقلدی.
بو منبعلر اۉزبېک تیوی گه وضعیتدن فرقلی معلوماتلرنی شریک قیلگن.
منبعلردن بیری اۉزبېک تیوی گه ایتیشیچه، بو واقعه «آدرنگ«» و «بلغلی» منطقهلریده، اۉزبېکلر و کوچیلر آرهسیده یوز بېرگن.
بو منبع نینگ ادعا قیلیشیچه، مذکور واقعهدن اۉنلرچه کیشی اۉلیب و یرهلنگن حالده، سرپل ولایتی کسلخانهسیگه آلیب کېلینگنیگه گواه اېکن.
خوفسیزلیک خواطرلری باعث آتی سِر قالیشنی خواهلهگن بو منبع نینگ ایتیشیچه “مین اۉزیم کسلخانهده اېدیم و یقیندن گواه اېدیم که آدرنگ و بلغلی منطقهلریده کوچیلر بیلن منطقه یشاوچیلری آرهسیده یوز بېرگن تۉقنهشوودن ۱۵ کیشی اۉلیب و باشقه بیر قنچه کیشی یرهلنیب کېلدی.”
عینی حالده باشقه بیر نیچه منبع اۉزبېک تیوی گه، بو منطقهده جنجل یوز بېرگنینی تصدیقلهیدی، بیراق اولرنینگ معلوماتیگه کۉره، بو جنجل ایکی قیشلاق چوپانلری آرهسیده یوز بېرگن.
بو منبعلرنینگ تاکیدلشیچه، اوتلاق اوستیده یوز بېرگن بو جنجل عاقبتیده بیر نیچه کیشی یرهلنگن.
