بیرلشکن ملتلر تشکیلاتی خوفسیزلیک کېنگشی، بو کېنگش نینگ افغانستان تۉغریسیده ۲۲ – قوس، اۉتکزیلگن ییغینیدهگی بحث‌لرینی نشر قیلیب، افغانستاندهگی جاری انسان حقلری، خوفسیزلیک و اقتصادی وضعیت‌دن خواطر بیلدیردی.
بو حقده بۉلگن بیرلشکن ملتلر تشکیلاتی خوفسیزلیک کېنگشی نینگ بیاناتی، بو کېنگش اعضالریدن بیری جاپان نماینده‌لیگی تامانیدن نشر اېتیلدی.
بو بیانات‌ده، افغانستان‌ده ترورچیلیک تهدیدلری بارلیگیدن خواطر بیلدیریب، طالبان‌دن عیاللرگه قرشی چیکلاولریگه چیک قوییلیشی طلب قیلینگن.
افغانستان اساسی قیینچیلیکلری
بیرلشکن ملتلر تشکیلاتی خوفسیزلیک کېنگشی بیاناتیگه اساس بو کېنگش‌گه مملکتلر بیرگه‌لیکده، افغانستان یوز مه یوز بۉلیب تورگن نیچه تامانلمه توسیق‌لیکلر اوچون دقت اېتیلیشی‌نی تاکید قیلگنلر.
دېیرلی بیرلشکن ملتلر تشکیلاتی خوفسیزلیک کېنگشی افغانستان یوز مه یوز بۉلیب تورگن توسیق‌لیکلر، انسانی وضعیت، اقتصاد و اجتماعدهگی قیینچیلیکلر، خوفسیزلیک، ترورچیلیک، سۉزلشوو و علاقه‌لر، حکومتدارچیلیک، قانون حاکمیتی، خاتین-قیزلر و قومی همده دینی اقلیت‌لرنینگ انسانی حقلری‌دن عبارت دېب بیلدیرگن.
خوفسیزلیک تهدیدلری
بیرلشکن ملتلر تشکیلاتی خوفسیزلیک کېنگشی ینه بیربار افغانستان خوفسیزلیک وضعیتیدن خواطر بیلدیرگن.
بیرلشکن ملتلر تشکیلاتی طالبان‌دن خوفسیزلیک مساله‌لریگه جدی بۉلیشینی تکلیف قیلیب یازیشیچه “کېنگش اعضالری طالبان‌دن ترورچیلیک اینقسه بیرلشکن ملتلر تشکیلاتی تحریمی آستیده بۉلگن شخص‌لر و گروه‌لرگه قرشی کورهشیشنی جدی توتیش‌لرینی سۉره‌دی.”
بو کېنگش بیاناتیده، ترورچیلیک افغانستان و دنیا خوفسیزلیگی اوچون کتته بیر خواطر دېب تاکید اېتیلگن.
اقتصادی وضعیت
بیرلشکن ملتلر تشکیلاتی خوفسیزلیک کېنگشی نینگ اعضالری ینه بیربار افغانستان‌ده جاری اقتصادی وضعیت‌دن خواطر بیلدیرگن.
شونینگدېک بو کېنگش اعضالری، افغانستان‌ده اقتصادی آغیر وضعیت‌گه ییتیشیش اوچون کۉپراق دقت اېتیلیب، انسان‌پرورلیک یاردملر کۉپراق یوباریلیشینی اورغوله‌شگن.
بو خصوصده بیرلشکن ملتلر تشکیلاتی خوفسیزلیک کېنگشی، افغانستان مالی و بانکی تیزیملری قیته قوریلیشی و افغانستان مرکزی بانکی نینگ سرمایه‌لری، افغانستان خلقی منفعت‌گه ایشله‌تیلیشینی تاکید قیلگن.
انسان حقلری وضعیتی
بیرلشکن ملتلر تشکیلاتی خوفسیزلیک کېنگشی، طالبان حاکمیتیده بۉلگن افغانستان‌ده انسانی وضعیت آغیرلشگنیدن ینه بیربار خواطر بیلدیردی.
بیرلشکن ملتلر تشکیلاتی خوفسیزلیک کېنگشی، افغانستان خاتین-قیزلری افغانستان کېله‌جگیده کینگ حصه قوشیشی کېره‌ک دېگن.
شونینگدېک بو تشکیلات اۉزی نینگ بیاناتیده، طالبان نینگ خاتین-قیزلرگه قرشی چیکلاولری بیکار قیلیشینی تاکیدلب، ایتیشیچه “طالبان بو چیکلاولر اینقسه امر بالمعروف و نهی عن المنکر یانده‌شوولری و اخیرگی آلینگن قیزلر اۉقیشی برابریده‌گی توسیق‌لیک تیزلیک بیلن بیکار قیلیش‌گه چقیریلدی.”
عینی حالده، بیرلشکن ملتلر تشکیلاتی خوفسیزلیک کېنگشی، افغانستان مساله‌لری اوچون برچه تامان‌لر نظرگه توتیلگن حالده ییچیم یۉل تاپیلیشینی اورغوله‌گن.
