غزنی ولایتی نینگ گیلان اولسواللیگیده یوز بېرگن ترافیکی حادثه عاقبتیده، بیر کیشی جان بېرگن و ینه ۷ کیشی یرهلنگن.
بو واقعه اۉتگن کون شنبه، ۹ – جدی کیچ قورون، گیلان اولسواللیگی نینگ «تورپسته» منطقهسیده یوز بېرگن.
ایتیلیشیچه بو واقعه قربانلری بیر ایرکک، بیر عیال و آلتی بالهدن شامل بیر عایله اعضاسی اېکن.
ایتیش کېرهک که اخیرگی وقتلر ایچیده، افغانستان بویلب تورلی منطقهلرده ترافیکی حادثهلر یوز بېریب اهالیدن قربانلیک آلماقده دیر.
اۉتگن کون بغلان، فاریاب و لغمان ولایتلریده یوز بېرگن ترافیکی حادثهلر عاقبتیده ۴۰ دن آرتیق کیشی اۉلیب و یرهلنگنی خبر قیلینگن اېدی.
