سمنگان ولایتی نینگ خلم اولسواللیگیده یۉل حادثهسی یوز بېریب، معتصم بالله توریالی ناملی طالبان ساغلیقنی سقلش وزیرلیگی رسمیلریدن بیری، شامل اوچ کیشی اۉلیب و ینه ایکی کیشی یرهلنگن.
سمنگان ولایتی کسلخانهسی نینگ آمری سیدعثمان حمیدی اۉزی نینگ فیسبوک صحیفهسیده یازگن بیاناتیده، بو حادثهدن خبر بېرگن.
حمیدی نینگ بو حقده یازیشیچه “تاسف بیلن خلم اولسواللیگیده جایلهشگن صیاد ساحهسیده بوگون یوز بېرگن ترافیکی حادثه عاقبتیده، ساغلیقنی سقلش وزیرلیگی نینگ ولایتلر ساغلیق وضعیتنی هماهنگلشتیریش باشلیغی معتصم بالله توریالی شامل اوچ کیشی جان بېریب و ینه ایکی کیشی یرهلندی. بولر برچهسی بیر عایله اعضاسی اېدی.”
سمنگان ولایتی کسلخانهسی نینگ آمری، بو ولایت نینگ دلخکی منطقهسیده یوز بېرگن ینه بیر یۉل حادثهسی عاقبتیده بیر کیشی جان بېرگنی و بیش کیشی یرهلنگنیدن هم خبر بېردی.
