خلق‌ارا ژورنالیست‌لر فدراسیونی یا ده «آی‌اف‌جی» اۉزی نینگ اۉتگن کیچه نشر قیلگن بیاناتیده، دنیا بویلب ژورنالیست‌لر اۉلیمی کۉپه‌یگنیدن خبر بېردی.
بو تشکیلات میلادی ۲۰۲۴ – ییل‌نی، دنیا ژورنالیست‌لری اوچون اۉلیملی بیر ییل دېب، مذکور ییل‌ده دنیا بویلب مملکتلرده، ۱۴ عیال ژورنالیست شامل ۱۲۲ ژورنالیست هلاک بۉلگنینی اعلام قیلگن.
آی‌اف‌جی نینگ بو حقده یازیشیچه “دسمبر آیی نینگ ۳۱ – سیگه قدر آی‌اف‌جی تامانیدن رویخط‌گه آلینگن معلوماتلرگه اساس، میلادی ۲۰۲۴ –ییلی ۱۴ عیال شامل ۱۲۲ ژورنالیست و یېتکیرمه‌لر خادملری جان بېرگن. بو تشکیلات‌گه اعضا مملکتلردن ژورنالیست‌لر خوفسیزلیگی اوچون چاره-کۉریش‌لرینی سۉره‌یمیز.”
بو گزارش‌گه اساس، اۉتگن ییلی ژورنالیست‌لر اۉلیمی کۉپلب یقین شرق مملکتلریده یوز بېرگن که بو منطقه‌ده جان بېرگن ژورنالیست و یېتکیرمه خادملری جمله‌سیدن، ۶۴ ته فلسطین‌ده، 6 ته‌سی لبنانده و بیرته‌سی سوریه‌ده یوز بېرگن اېکن.
آسیا مملکتلری ایچیده هم، آی‌اف‌جی پاکستانده ۷ ژورنالیست، بگله‌دیش‌ده بیش ژورنالیست، هندوستان‌ده اوچ ژورنالیست، میانمارده اوچ ژورنالیست، فیلیپین، کامبوج، اندونیزیا و قزاقستان مملکتلریده هم بیر بیر ژورنالیست جان بېرگنینی رویخط‌گه آلگن.
شونینگدېک غزه‌ده، اسراییل و حماس گروهی آره‌سیده اوروش باشله‌نگنیدن بیری ۱۴۷ ژورنالیست جان بېرگنینی معلوم قیلگن، خلق‌ارا ژورنالیست‌لر فدراسیونی اۉزی نینگ گزارشی‌ده.
