افغانستان نینگ کۉپلب ولایتلری و منطقهلری اۉتگن کیچه و کوندوز جریانیده قار یاغیشیگه گواه اېدی. شونینگدېک قار یاغیشی تورکستان و قطغن ولایتلری جملهدن فاریاب و تخار ولایتلریده هم یوز بېرگن.
دېیرلی بو قار یاغیشی افغانستان ایریم منطقهلریده، یۉللر باغلهنیشیگه هم سبب بۉلگن.
نشر اېتیلگن معلوماتلرگه کۉره، بامیان ولایتیده یاققن قار، بو ولایت نینگ کابل همده دایکندی ولایتی بیلن قتناو یۉللرینی باغلهنیشیگه سبب بۉلدی. بیراق بیر نیچه دقیقه آلدین بو کابل – بامیان یۉلی وقتینچهلیک قیته آچیلگنی خبر قیلیندی.
عینی حالده افغانستان غربیده جایلهشگن که غور ولایتیده هم قار یاغیشی طفیلی یۉل باغلهنگن اېدی، بیراق تیناوون کیچه طالبان عامه منفعتلر وزیرلیگی بو ولایتده یۉل قیته آچیلگنیدن خبر بېردی.
ایتیش کېرهک که هواشناسلیک ادارهسی بوگون پنجشنبه، ۱۳ – جدی افغانستان بویلب، ۳۳ ولایتده قار یاغیشی کوتیلگنیدن خبر بېرگن.
