افغانستان ملی اسلامی جنبش حزبی نینگ رهبری مارشال عبدالرشید دوستم، ۱۴- جدی اۉزبېک و تورکمن تیللری اساسی قانونی‌ده رسمیت تاپکن کونی مناسبتی بیلن بۉلگن صحبت‌لریده، افغانستان وضعیتی خصوصیده هم فکر بیلدیردی.
مارشال دوستم افغانستان‌ده جاری، وضعیت برابریده بی‌فرق اېمس‌لیگینی تاکیدلب، بو حقده سیاسی انسجام اۉرته‌گه کېلیشی اوچون سعی‌وحرکت‌ده بۉلگنینی بیلدیردی.
مارشال دوستم نینگ بو حقده ایتیشیچه: “افغانستان وضعیتی خصوصیده بی‌فرق اېمس‌میز، مردم اینیقسه سیاسی‌لرنی بیر و بسیج قیلیش اوچون مین حرکت قیلیب کېلماقده‌من.”
دېیرلی مارشال دوستم بوندن ایلگری هم، طالبان حاکمیتی آستیده بۉلگن افغانستان وضعیتیدن جدی خواطر بیلدیرگن.
یقین‌ده مارشال دوستم حضوری بۉلگن بیرحالده، طالبان‌گه قرشی سابق سیاسی سیمالر و حزب‌لردن تشکیل اېتیلگن بیر کېنگش هم فعالیت‌گه باشله‌دی.
ایتیش کېره‌ک که مارشال دوستم، طالبان‌گه قرشی ییریک سیمالردن بیری دیر.
افغانستان تانیقلی سیاسی و حربی سیماسی بۉلمیش مارشال دوستم، اوچ ییل‌دن بویان افغانستان حاکمیتی طالبان قۉلی‌ده توشیب قالگنی آرتیدن تورکیه مملکتیده یشهب کېلماقده و بو مملکت‌دن توریب، افغانستان وضعیتی‌گه عاید بیر قنچه آنلاین ییغین‌لرده اشتراک قیلگن.
