جرمنی مملکتی نینگ هامبورگ شهریده «تورکستان بیرلیگی» نامی آستیده‌گی اویوشمه نینگ بیشینچی دور کنگره‌سی اۉتکزیلدی.
اوشبو مقصد اۉتکزیلگن ییغیلیش‌ده، جرمنی‌ده یشاوچی افغانستان‌لیک اینقسه اۉزبېک فعاللری، آق سقاللر، خاتین-قیزلر و یاش-ییگیتلر کینگ اشتراک قیلگن.
شونینگدېک کنگره‌ده ایرکین سیلاو آرقه‌لی، اویوشمه تورلی بولیملری جمله‌دن یاشلر و خاتین-قیزلر کمیته‌لری اوچون مسووللر تعیین‌لنگن.
ییغین اشتراکچیلری اۉزلری نینگ نطق‌لریده، بیرلیکلری مستحکم‌لنیشی، اویوشمه فعالیتلری کینگه‌یشی و تورکستان مدنیت‌لرینی رواجلنیشی تۉغریسیده تاکید قیلگنلر.
اوشبو کنگره حقیده اۉزبېک تی‌وی اختیاریده قوییلگن بیانات‌نی بیر بۉلیمیده کېلیشیچه “ییغیلیش اشتراکچیلری اویوشمه نینگ فرهنگی و اجتماعی ساحه‌لرده‌گی فعالیتی کینگه‌یتریلیشی مهم‌لیگینی تاکیدلب، بیردم‌لیکنی مستحکم‌لش شونینگدېک تورکستان مدنیتی و اۉزلیگینی رواج‌لنتیریش اوچون اونینگ رولینی آشیریش‌گه چقیردیلر.”
ایتیش کېره‌ک که جرمنی مملکتیده تورکستان بیرلیگی اویوشمه‌سی، بو مملکتده یشاوچی اۉزبېکلرنی بیرلشتیریش و هماهنگ‌لشتیریش مقصد ایجاد اېتیلگن اویوشمه دیر.
