طالبان ارگ صحیفهسیده نشر قیلگن بیاناتیده، بو حاکمیت باش وزیری نینگ اداری اۉرین باسری عبدالسلام حنفی و کابلده‌گی چین ایلچیسی جاوشینگ اوچره‌شوویدن، خبر بېردی.
طالبان‌گه کۉره، چین ایلچیسی اخیرگی بیر ییل ایچیده، طالبان و چین آره‌سیده‌گی علاقه‌لر سیزیلرلی درجه کینگه‌یتیریلگنینی معلوم قیلگن.
ارگ صحیفه‌سی تامانیدن نشر اېتیلگن بیاناتده، جاوشینگ‌دن نقل قیلیب یازیلیشیچه “چین ایلچیخانه‌سی اخیرگی بیر ییل ایچیده، کۉپلب افغانستان‌لیک سوداگر و عادی کیشی‌گه ویزا ترقه‌تگن بو اۉزی چین و افغانستان علاقه‌لری کوچه‌یگنینی کۉرسه‌تدی.
ایتیش کېره‌ک که اخیرگی اوچ ییل ایچیده، چین مملکتی افغانستان‌ده کۉپراق حضور تاپیب و بو مملکت کمپنیه‌لری طالبان‌دن بویوک کیلیشوولرنی آلماقده دیر.
چین بو حضوری و افغانستان کانلری اوستیده‌گی سعی‌وحرکتلری ایریم خواطرلرنی هم اۉرته‌گه آلیب کېلگن. ایریم ایشانچ‌لرگه کۉره، چین مملکتی باریب سرمایه یاتقیزگن مملکتلرده اونچه‌لیک اقتصادی توجه قیلمه‌گن و یالغیز میزبان مملکت طبیعی منبع‌لرینی چین منفعت‌گه ایشله‌تگن.
