تورکیه تشقی ایشلر وزیری هاکان فیدان، اردن تشقی ایشلر وزیری ایمن الصفدی بیلن اوچره‌شیب، ایکی تامانلمه علاقه، سوریه وضعیتی و ترورچیلیککه قرشی کورهش مساله‌لرینی محاکمه قیلگن.
بو اوچره‌شوو اردن تشقی ایشلر وزیرلیگی نینگ تورکیهدهگی بۉلگن رسمی تشریفی جریانیده بۉلیب اۉتدی.
بوگون دوشنبه، ۱۷ – جدی اۉتکزیلگن ایکی مملکت تشقی ایشلر وزیرلری نینگ مشترک خبری ییغین‌ده تورکیه تشقی ایشلر وزیری بوندی دیدی ” ایکی مملکت آره‌سیده انرژی و تعلیم کبی ساحهلردهگی همکارلیکلر کوچه‌یشیگه کیلیشدیک. شونینگدېک سوریه خلقی‌گه یاردم اېتیلیشی بۉییچه بۉلگن قرارلریمیزنی تصدیقلدیک همده بیر یۉل خریطه‌سی چیقاردیک”
ایتیش کېره‌ک که تورکیه و اردن مملکتلری، باشقه منطقه مملکتلری بیلن بیرگه سوریه‌ده ینگی حکومت ایجاد اېتیلیشی خصوصیده سعی‌وحرکت قیلماقده دیر.
اوشبو سعی‌وحرکتلر دوامیده، تورکیه و اردن تشقی ایشلر وزیرلری هم سوریه ایرکین‌لیگی سقله‌نگن حالده بو مملکتده برچه مساله‌لر نظرگه توتیلگن بیرحکومت ایجاد اېتیلیشیگه تاکید قیلگنلر.
