طالبان ایچکی ایشلر وزیرلیگی بو وزیرلیک سرپرستی سراج الدین حقانی، کابلده‌گی ایران ایلچیسی علی‌رضا بیگدلی بیلن اوچره‌شگنیدن خبر بېردی.
طالبان ایچکی ایشلر وزیرلیگی نینگ سۉزلاوچیسی عبدالمتین قانع ایکس صحیفه‌سیده نشر قیلگن بیاناتیده ادعا قیلیشیچه، ایران ایلچیسی، افغانستان و ایران مملکتلری اسلامی تیزیملر آرقه‌لی باشقیریلگنی، بو ایکی مملکت‌نی بیر بیراوی‌گه یقین‌لشتیره‌دی دېگن.
طالبان ایران ایلچی‌سیدن نقل قیلیب یازیشیچه “ایکی مملکت اسلامی تیزیم‌گه ایگه دیر که ایکی مملکت‌نی طبیعی بیر بیراوی‌گه یقین‌لشتیره‌دی و ایکی مملکت کوچه‌یشیگه باعث بۉله‌دی.”
ایتیش کېره‌ک که ایران مملکتی طالبان بیلن یخشی‌راق علاقه‌ده بۉلگن مملکتلر جمله‌سیدن دیر. بیراق شوندی بۉلسه هم، طالبان و ایران آره‌سیده اخیرگی ییللر ایچیده ایریم قرمه-قرشی‌لیکلر یوز بېرگن.
ایران نینگ افغانستان‌دن بۉلگن سوو حقی کبی مساله‌لر اوستیده‌گی جنجللر، ایران و طالبان چیگره کوچلری آره‌سیده تۉقنه‌شوولر یوز بېریشی‌گه هم سبب بۉلگن.
