امریکا قوشمه ایالتلری نینگ نمایندهلر کېنگشی اعضاسی تیم بورچت، بو مملکت جمهور باشلیغی دونالد ترامپگه بیر مکتوب یازیب، امریکانینگ افغانستانگه بۉلگن مالی یاردملری تۉختهتیلیشینی سۉرهگن.
بو مکتوبگه اساس، امریکا حکومتی بو مملکت اهالیسی نینگ مالیهسیدن هر هفته، ۴۰ میلیون دالر ترورچی بیر گروهگه یوبارهدی.
تیم بورچت نینگ ترامپدن بۉلگن بو طلبی، بیر قنچه امریکالیک فعاللر مناسبتی نینگ هم اۉرتهگه آلیب کېلگن.
بو جملهدن دنیانینگ اینگ بای آدمی و ترامپ یقینلریدن بۉلگن ایلان ماسک هم بو حقده فکر بیلدیرگن.
ایلان ماسک اۉزی نینگ ایکس صحیفهسیده یازیشیچه “حقیقتن بیز امریکالیکلر مالیهسینی طالبانگه یوبارهمیز می؟
ایتیش کېرهک که طالبان حاکمیتگه قیتگنیدن بویان امریکانینگ بو یاردمی دوام اېتماقده دیر و بو اېسه طالباننی کوچلنتیرهدی دېگن خواطر و تنقیدلرگه سبب بۉلگن.
