افغانستان ژورنالیستلری مرکزی، مملکت بویلب آلتی ولایتده طالبان تامانیدن زنده‌جانلر صورت‌گه آلینیشی تقیقلنگنیدن خبر بېردی.
دېیرلی بو چیکلاو یقین‌ده، نورستان ولایتیده طالبان محلی رسمی‌لری تامانیدن یېتکیرمه‌لر مسووللری و ژورنالیست‌لرگه اعلام اېتیلگن.
نورستان ولایتیدن ایلگری، قندهار، ننگرهار، تخار، هلمند و بادغیس ولایتلریده هم طالبان بو قرارلرینی اعلام قیلگن اېدی.
افغانستان ژورنالیستلری مرکزی بو حقده خواطر بیلدیریب یازیشیچه “افغانستان ژورنالیستلری مرکزی بو چیکلاو کینگهیشیدن جدی خواطرده دیر و و اونینگ یېتکیرمه‌لر فعالیتلری همده خلق‌گه اطلاعات ییتکزیش اوستیده بۉلگن سلبی تاثیری‌دن آگاه‌لنتیره‌دی”
دیمک طالبان امر بالمعروف قانونی نینگ ۱۷ – ماده‌سی اساسیده بو چیکلاولرنی یره‌تیب کېلماقده دیر و ایریم ولایتلر جمله‌دن فاریابده بو چیکلاو رسمی اعلان اېتیلگن بۉلمسه هم ژورنالیستلر قرشی‌سیده بو خصوصده بیر قنچه معمالر یره‌تیلگن.
