امریکا قوشمه ایالتلری نینگ جمهور باشلیغی دونالد ترامپ فلوریدا ایالاتیده اۉتکزگن خبری بیر ییغینده، باشقه مساله‌لر یانیده، افغانستان خصوصیده هم فکر بیلدیرگن.
دونالد ترامپ طالبان‌گه امریکا تامانیدن یاردم یوباریلمسلیگینی تاکیدلب، بو مملکت‌نی افغانستان‌دن چیقیشیدن هم تنقید قیلگن.
دونالد ترامپ نینگ ایتیشیچه “بیز میلیون‌لرچه اېمس بلکیم میلیاردلرچه یاردم افغانستان یا ده طالبان‌گه یوباره‌میز، بو عقل‌گه سیغمه‌یدیکن بیر نرسه دیر. بو یوز بېرمس‌لیگی کېره‌ک.”
شونینگدېک دونالد ترامپ، امریکا افغانستان‌نی ترک اېتیشیدن هم تنقید قیلیب، بو جریان‌نی حماقت‌لی بۉلگنینی تیلگه آلگن.
ترامپ‌گه کۉره، امریکا افغانستان‌نی عزت بیلن ترک اېتیشی کېره‌ک اېدی، بیراق جوبایدن حکومتی بوندی قیلمه‌گن بلکیم شرمنده‌لیک بیلن چیققن.
ایتیش کېره‌ک که دونالد ترامپ کېله‌سی نیچه هفته ایچیده، امریکا قدرت‌نی قیته قۉلگه آله‌دی و ترامپ آق‌سرای‌گه قیتیشی عرفه‌سیده، اوندن افغانستان‌گه بۉلگن امریکانینگ یاردملری تۉخته‌تیلیشی هم طلب قیلینماقده دیر.
