افغانستان باشکینتی کابل شهریده، افغانستان اۉزبېکلری نینگ تانیقلی شاعر، یازووچی و ژورنالیستی استاد محمدعالم کوهکن نینگ «قلدیرغاچ» ناملی شعری توپلمی تقدیمات مراسمی اۉتکزیلدی.
افغانستان اۉزبېکلری نینگ فعاللری و فرهنگی‌لری تشبثی بیلن اۉتکزیلگن بو ییغین‌ده، استاد محمدعالم کوهکن نینگ اۉزبېک تیلی و مدنیتی ساحه‌سیده بجرگن بیر عمرلیک فعالیتلری و خذمت‌لریدن قدرلندی.
فعاللر استاد کوهکن دیک بیلیمدان و تویغولی قلم‌کش شخصیت‌لرنینگ، تینمه‌ی بجرگن فعالیت‌لرینی تیل و مدنیت اسره‌ب – اوه‌یلنیشی همده رواجلنیشی اوچون اوته مهم بیان قیلدی‌لر.
شونینگدېک بو احتفالده، اۉزبېک تی‌وی تخنیکی یاردمی بیلن، استاد محمدعالم کوهکن حیاتی و ایجادلری حقیده تیارلنگن حجتلی فیلم هم نمایش‌گه قۉییلدی.
ایتیش کېره‌ک که استادمحمدعالم کوهکن، افغانستان اۉزبېکلری نینگ تانیقلی انسانلریدن دیر که شعریت، یازووچیلیک و یېتکیرمه ساحه‌لریده، اۉزی‌دن کتته فعالیت بجریب و ایجادلر قیلگن.
