افغانستان مالی بازارلری اخیرگی کونلر ایچیده دالر بهاسی یوقاری کېتیشی‌گه گواه بۉلماقده دیر و اوشبو وضعیت دوامیده بوگون «شهزاده سرایی»ده امریکالیک بیر دالر ۷۴ افغانی‌دن آشگن.
اۉزبېک تی‌وی تیکشیرووی اساسیده، بوگون یکشنبه، ۲۳ – جدی، کابل‌ده بیر دالر ۷۴.۲۰ افغانی‌گه قدر المشتیریلگن.
طالبان مرکزی بانکی افغانی پول بهاسی باشقیریلیشی اوچون بوگون ۱۶ میلیون دالر لیلام قیلیشیدن هم خبر بېرگن اېدی. بیراق بو قرار هم حاضرگه قدر اونچه‌لیک تاثیر قیلمه‌گن و دالر نرخی تاباره کوتاریلیب بارماقده دیر.
ایتیش کېره‌ک که دالر نرخی اخیرگی کونلر ایچیده ۷۰ دن ۷۴.۲۰ افغانی‌گه ییتیشیب بارگن.
افغانستان مالی بازارلری، امریکا قوشمه ایالتلریده بو مملکت نینگ افغانستان‌گه بۉلگن یاردملری تۉغریسیدهگی بحثلر آرتیدن، شوندی وضعیت‌نی باش‌دن کیچیرماقده دیر.
